شومال شرق تورک یوردلاری خوراسان
ایران تورکلری جوغرافیاسی
علیرضا صرافی
İran'da Türklerin Coğrafya Ve Ehali Sayı
Elirıza Serrafi
(3. بؤلوم)
شومال شرق تورک یوردلاری (خوراسان(
بو بؤلگهنین تورکلری ایکی بؤیوک بؤلومه آیریلیر: تورکمنلر و خوراسان تورکلری
تورکمنلر
سایلاری ۸-۷ یوزمین آراسیندا اولان تورکمنلرین چوخو بوگون گؤلوستان آدلانان ایالتین شومالیندا و بیر آزی دا خوراسان ایالتینین شومال غربینده یاشاییرلار. اسکی اوغوز ائللریندن سالور، ایمور و دودورقالارا باغلی اولسالار دا بوگون گؤکلن، یموت و تکه تورکمنلری آدییلا تانیلیر. تورکمنلرین یاشادیغی اراضی تخمینا 23000 کیلومتر مربعدیر. تورکمنلر سوننی و حنفی مذهبلیدیرلر.
خوراسان تورکلری
سایلاری ایکی میلیونا قدر تخمین ائدیلن خوراسان تورکلری بوتون خوراسانین شومالیندا یعنی درهگز، شیروان، و ... بجنورد'ون بیر چوخ یئرلری، نیشابور، اسفراین، تربت حیدریهنین بعضی بؤلگهلرینده یاشاییرلار. عین حالدا گؤلوستان ایالتینین گؤنئیینده اولان فندرسک و رامیان ماحالینین اهالیسی ده عوموما تورکدور.
بونلارین دیلی تورکجه (آذربایجاندا دانیشیلان تورکجه) و تورکمنجهنین آراسیندا یئر آلیر. عین حالدا خوراسانلیلارین تورکجهسی تورکجهنین اؤزبک شیوهسیندن ده ائتگیلنمیشدیر همین بؤلگهده صفویلر زامانیدا شرقی آنادولو و ایروان حوالیسیندن خوراسانا گؤچورولموش کوردلر ده تورکلرله قونشودورلار. عوموما مالدارلیقلا مشغول اولان بو کوردلر داغلیق یئرلرده یئرلشدیریلمیشلر و داها چوخ سون ایللرده شهرلره گلیب ساکین اولموشلار. خوراسیان کوردلری اؤز آرالاریندا قیرمانج (کیرمانج) کوردجهسینده دانیشسالار دا عوموما تورکجهنی ده اؤیرنیب دانیشارلار. خوراسان تورکلرینین تشکیلینده بو ائللرین بؤیوک رولو اولموشدور: گرایلی (گراپتلی)، تئمورتاش، جیغاتای، جلایر، قارشی قوزئی، افشار، بایات، اوستاجلو، اجیرلی، کنگرلی، قاراگؤزلو و سایره. هم ده داها سونرالار گلمیش اولان کوردلرین ده موعین قیسمی تورکلشهرک خوراسان تورکلرینین ائتنیک ترکیبینه گئجمیشلر.
اونلارین یاشادیغی اراضی ۳- نومرهلی خریطهده گؤستریلمیش و تخمینا ۵۲۰۰۰ کیلومتر مربع بؤیوکلوگونده بیر اؤلکهدير.
خوراسان تورکلرینین هامیسی اون ایکی ایماملی شیعه مذهبلی موسلماندیر.
@Turkeline_Dogru
https://t.me/turkeline_dogru/1744
TÜRKÉLİ'NE DOĞRU - تورکائلی'نه دوغرو
ایران تورکلری جوغرافیاسی
علیرضا صرافی
ثبت جهانی سیمرغ پرنده افسانه ای تورکان آزربایجان...