آخرین مطالب
امکانات وب
موسیقی نشئه سی مین سوگیلی جانانه دگر
اثـر نـــالـــه نـــی عـــارف ایچـــون جـانــه دگـــر
مــوسیقـی اهلینـه انصاف ایلـه قیمـت قویـمـاق
لحــن داود ایلــه میــن تخــت سلیـمـانــه دگــــر
بیخبـــرلـــر نـــه بیلیـــر لهجـــه خواننـــده نه دیـر
اهـل حـال اولسـا بـو سـوز قـدرده میلیــانـه دگـر
پـــرده غـــم داغیلیـــر تــاره دگنـــده میـــضـــراب
طـــره دلبـــره هـــردم نئجـــه کـــی شــانـه دگـر
مــوسیقیلــه اولار هـر خستیــه عـالمــده عــلاج
بــو طبـــابــت نئچــه میـــن چـــاره لقمانـه دگـــر
بیــزه بـو علـم حـرام اولمیـش ایـدی کئچمیشـده
یعنـی شیطان ایشی دیر رخنـه سی ایمانه دگر
یـاشاسیــن قــرمـزی شهـرتلــی وطـــن قانونـی
بـو سخــاوت نئچـــه میــن حاتــم دورانــه دگــــر
قیلــدی هـــر یئـــرده بنــا مـــوسیقی مکتبلرینی
نغمــه نیــن فایده سی ایندی هــر انسانه دگـــر
خلقیمیــز مــوسیقــی علمیــن اوخیـور مینلـرجـه
ئـولکـه میـزچـون بـو شـرف مهـر درخشانـه دگــر
مـوسیقیلـه منـی دفـن ایلـه سه لــر واحــد اگـر
قبـریمیــن تـوپـراغـی میـن روضـه رضوانـه دگــــر
شاعر: علی آقا واحد
ثبت جهانی سیمرغ پرنده افسانه ای تورکان آزربایجان...برچسب : نویسنده : salariyan بازدید : 73